Bertsularien Lagunak Elkartea 1980an sortu zen, Lapurdi, Baxenafarroa eta Zuberoan bertsularitza bizirik atxiki eta sustatzeko xedearekin.

Urteak iragan ahala, bertsularitzari erakaskuntzan lekua egiten entseatu da, batez ere 1998-99 ikasturteaz geroz. Zaletasunaren azkartzearekin bertsu eskola berriak sortu dira. Egun 13 bertsu eskola dira Iparralde osoan; 9 Lapurdin eta 2 Baxenafarroan eta 2 Zuberoan.

1998az geroztik Iparraldeko bertsu saioen kopurua ainitz emendatu da: 1998an 33 saio, 1999an 75 saio, 2000an 90 saio, 2004ean 92 saio. 2008an ospatu zen lehen Iparraldeko Xapelketa.