Leon Leon (Hazparne, Lapurdi, 1896 – Uztaritze, Lapurdi, 1962ko otsailaren 12a) euskal idazle, antzerkigile eta itzultzailea izan zen.

Biografia:
Belokeko eta Baionako apaizgaitegietan egin zituen apaiz ikasketak. Lehen Mundu Gerran soldadu izan zen.

1932an Arrangoitzeko erretore izendatu zuten, eta Bigarren Mundu Gerraren ondoren, Uztaritzekoa.

Euskal-Esnalea eta Gure Herria aldizkarietan eman zituen argitara hasierako lanak.

Oso euskara dotorea zerabilen, lapurtar behe-nafar herrikoi bizi-bizia baliatuz.

Itzulpenak: Jesu-Kristoren Imitazionea (1929), Jesu-Kristo Gure Jaunaren Ebangelio Saindua, (1949), Alegiak (La Fontainerenak, 1960).

Antzerki obrak: Gure txokoan (1926), Haurrak azken hitza bere! (1939), Matturinaren gaphoinak (1933), Ttomas ezkongei (1938) eta Herriko besta biharamunean (1937).

Lanak:
Antzerkia:

• Bortz komedia eta lau alegia (1992, Antzerti).
• Sei antzerkigileren kaierak (2011, Hiria argitaletxea).
• Alegia.
• Alegia deus ez! (1993, Elkar).
  Itzulpenak:
• Jesu-Kristoren imitazionea, León Leónen itzupena. Brepols, 1929.